蔡一鳳示威：男人會返屋企！

盛品儒爆出有「小三」Tasha，女方更揚言曾經懷孕，盛品儒已非首次「出軌」，太太蔡一鳳當然嬲怒，有指二人日前出席活動，人前人後蔡一鳳亦控制不了情緒全程黑面，但「世事無絕對」，兩人昨早拍拖出發到泰國「再渡蜜月」。

「多謝個女仔」

夫婦倆受訪時，蔡一鳳禁不住哽咽及明顯心情受影響，不過字裏行間卻已原諒老公：「佢平時點對我，自己心知，人哋嚟玩乜，一早計劃晒。多謝呢個女仔，唔理係真係假，呢件事令我知道男人係會返屋企嘅！老公咁耐唔理佢、block晒佢，佢仲要纏住見面，我覺得夠嘞。老公喺我唔知情下，已唔想見佢，佢應該放手，我哋有屋企人，唔止自己，你（Tasha）做得好過分呀！」盛品儒邊安慰老婆邊說：「我覺得佢癲癲哋，應該考慮睇心理醫生。」

蔡一鳳扁嘴，盛品儒都皺晒眉！	蔡一鳳除黑超過海關。	Tasha「輸晒」，直言上咗一課。

日後蔡一鳳會否與老公約法三章，要他不時報告行蹤？她說：「真係愛嘅，拉太緊要走就走，唔走就唔走，呢位小姐要清楚明白，男人愛嘅，點推都唔走。」盛品儒則說：「佢（Tasha）點講就點講，佢癲嘅，唔使回應。我同太太互相支持，男人受引誘，最重要識返屋企，太太同屋企人受到影響，我要講聲對唔住。」

傷透Tasha心

抵泰國後，蔡一鳳先後三次於facebook「發功」留言：「何止困擾，根本係騷擾……」、「是的，這件事讓我明白了：愛你的男人係會識得返屋企的路！」等，向Tasha示威。另外，身在泰國的盛品儒昨晚在facebook上載和朋友聚餐的合照外，蔡一鳳繼續發炮，指Tasha「唔簡單」兼指她曾在一位名人背後說閒話。

另方面，Tasha昨日接受本報電話訪問時希望事件盡快告一段落，直言稍後會離港散心：「連日嚟大家都為呢件事困擾，我唔想亦都冇諗過三方面都受傷！我估唔到佢（盛品儒）會話我癲，我真係好傷心，不過我都好多謝佢，令我今年上咗一課！我唔係娛樂圈嘅人，真係冇必要承受呢啲壓力。點都好，人係向前望，我希望大家各自展開新生活，家人對我呢件事咁擔心，我都覺得好抱歉！」Tasha並刪除facebook及討論區的留言，明顯想事件告一段落。

文：影視組