劉心悠做忙碌伴娘
為吳奇隆、劉詩詩婚禮任伴娘的劉心悠，昨於香港機場出發到峇里，問預備了甚麼禮物？心悠說：「之前送咗玻璃杯，見到啱嘅再送。（搶花球心情緊張？）唔知會點安排，因為交咗畀間公司處理。（有幾多個伴娘？）唔知，費事煩詩詩，我諗《步步驚心》會人齊嘅。」
問心悠有否帶性感泳衣去峇里游水？她說：「應該唔得閒，好多嘢要幫手。（一對新人婚前、婚後有派對？）唔知，佢哋婚前我要開會。（詩詩婚前心情點？）見到佢先問佢，唔想煩佢。」問心悠會否都恨結婚？她謂：「唔恨，要牽動咁多人唔係我作風，我會低調。」她又指是次峇里之行，使費由一對新人包起。