林雅詩為囝囝拒再婚

藝人林雅詩（Grace）、鄧洢玲（阿旦）及亞視出身的筱靖前晚出席電影首映，穿上谷胸裝的Grace由一名男士陪同到場，問到是否新歡？Grace否認說：「唔係，佢係我表哥。」並透露十歲的囝囝曾問她會否再婚，Grace說：「佢仲未接受到父母離婚呢樣嘢，仲話驚我被第二個男人搶走，問我會唔會再結婚，我同佢講，媽咪保證唔再結婚。（咁快斷自己米路？）為囝囝我OK。」
林雅詩指囝囝擔心她被人搶走。
林雅詩指囝囝擔心她被人搶走。

而筱靖對於亞視傳會「熄機」，她表示已放棄向亞視追討五位數薪金：「忘記佢啦，唔再追，懶得再追，都搵唔到對頭人，又嘥時間同要上庭。」

筱靖放棄向亞視追討五位數欠薪。
  • 筱靖放棄向亞視追討五位數欠薪。