膺導演會影帝心情靚城城向舊愛送祝福
香港電影導演會周年晚宴暨年度頒獎禮昨晚在洲際酒店舉行，筵開30圍，出席嘉賓包括郭富城、古天樂、楊千嬅、張家輝、任達華、吳家麗、春夏、白只、顏卓靈、文凱玲及林莉嫻等！最性感要數騷三吋事業線的鍾采羲及露背的鄧麗欣，至於全場紅白酒由劉嘉玲贊助。
年前郭富城與名模熊黛林（Lynn）的七年情備受關注，Lynn昨日承認與郭可頌訂婚，城城大方向舊愛送祝福：「我有留意新聞，我衷心祝福佢，其他就唔回應喇！」城城透露最近忙於在上海拍攝電影《新永不消逝的電波》，最辛苦是零下九度拍受刑戲，提到早前因拍戲弄傷左腳舊患，他透露月底完工後要做手術：「依家行都有啲痛，手術後頭一星期都要用枴杖，一個月後先做到運動，大家唔使擔心，個手術做個幾鐘啫！最緊要之後覆檢勤力，原本四月中接咗套戲，好彩電影公司肯遷就。」他透露治療師曾為周潤發治理，問到上海(o靚)模女友方媛會否來港照料？城城即甜笑表示：「唔回應。」
春夏奪女主角
晚宴頒發多個獎項，城城憑《踏血尋梅》贏得「最佳男主角」，他直認勁開心：「冇諗過有獎！今次係導演選出嚟，意義更大！（想同邊個分享喜悅？）梗係經理人小美啦！大家一齊走過廿年！（更有信心贏金像獎影帝？）未知數，獎係鼓勵，最緊要演好自己嘅戲。」
《踏》片的春夏與白只奪得「最佳女主角」及「最佳新演員」，春夏在台上興奮地一輪嘴致謝詞，引來哄堂發笑，問是否更有信心在金像獎得獎？她說：「冇呀！每次唔一樣，得到導演認同會繼續努力。（點慶祝？）要城城請食飯。」「最佳電影」及「最佳導演」均由徐克憑《智取威虎山》奪得，「新晉導演」則是許誠毅。
千嬅變肥師奶
正享受3個月長假的千嬅透露，盡量抽時間陪兒子及處理家事，早前到布吉、韓國及澳洲旅行，一日狂食七餐，笑言變「肥奶奶」：「肥咗十幾磅好恐怖。（造人成功？）冇！（老公丁子高有冇肥咗？）佢局部地區性脹大，有Airbag。」
此外，爾冬陞獲委任為永遠榮譽會長，他表示已入會26年，會繼續為業界爭取創作空間。導演會會長劉偉強對於導演黎繼明病逝，他表示已聯絡其兒子，暫定下周舉行追思會，詳情待定，導演會願意協助。
文：影視組