讚「戲」場澎湃林家棟睇好接棒

入圍金像獎「最佳女配角」的文詠珊（JM）於新片《兇手還未睡》中再作突破演技，遭林家棟施暴、半裸上陣及跟許志安接吻共浴。兩位拍檔對她讚不絕口，家棟指拍攝家暴戲前兩人分開培養情緒，埋位時亦默契十足，對JM的評語為眼前一亮：「幾年前喺紅地氈見過，當時已經覺得佢好Charm，今次合作就覺得佢係非常認真演戲嘅演員、係好好嘅對手，大家好有交流、好有火花。」對於近年影壇女星青黃不接，問到JM能否接棒影后？他坦言睇好對方：「呢幾年佢係好有機會嘅演員，氣場好澎湃，係影壇嘅Star，指日可待。」許志安亦直言很欣賞JM的投入：「佢好信任導演、劇組同我，好清楚知道故事發展需要而好大膽，好欣賞佢嘅付出。」