方中信嫌拍劇辛苦停產十年
無綫劇集《律政強人》演員方中信、曹永廉、黃智雯、張曦雯等前晚在長沙灣為劇集舉行煞科宴。方中信表示新劇雖然拍得開心，但十分辛苦，笑言短期內不會再拍，那麼可會拍些較輕鬆的劇？他說：「唔通拍處境劇咩，生活太規律我又唔習慣。（同新人合作點？）新人、舊人都合作得好開心，奈何呢套劇拍得太辛苦，場口多、對白多，對手廖啟智幾乎唔會NG，你話壓力幾大。」
請埋老友蕭正楠到場的曹永廉，因主演的《公公出宮》大受歡迎，惹來方中信對他笑說：「呢個係今年嘅最佳女配角，如果你真係攞獎，我負責頒獎。」問到曹永廉拍劇辛苦嗎？他說：「我捱慣冇問題，佢（指方中信）出面拍開就覺得辛苦，佢講到好似TVB最後一套劇咁。」方中信笑說：「嚟緊十年我都唔會返嚟拍。」
