模特兒每日營營役役咁工作，目的係為名利。不過對於一啲Model嚟講，佢哋唔使點樣博出位，便可以名成利就，王儷丁係其中一個好例子，究竟佢有乜嘢魔法令到人氣咁高呢？
嚟自北京嘅王儷丁，外表成熟，散發出一股女人味，但原來佢今年只得18歲，不過，佢喺模特兒界卻有相當資深嘅經驗，年幾前，佢憑住一對巨乳以胸模身份進軍模特兒界。至於呢對車頭燈有幾吸引呢？答案係37F，如此魔鬼級數嘅巨乳，確實有本錢成為胸模，同時更成為胸模網站嘅首席模特兒，對於一位初出道嘅模特兒嚟講，能夠有呢個成績，犀利！
除咗巨乳之外，佢仲擁有25吋蛇腰及37吋美臀，誘人曲線美，足以勾起男士嘅幻想。既然佢擁有如此天賦條件，作為一位模特兒，理論上梗係推出愈多寫真，令曝光率愈高。事實上，佢出道以嚟嘅寫真作品唔多，不過人氣卻有增無減，皆因每次拍攝寫真總會令人大開眼界，造型性感得嚟又不失高貴氣質，喺業界實在唔多，物以罕為貴，難怪佢微博嘅粉絲數量接近10萬之多。
有咁多粉絲支持，阿妹當然要勤力經營微博，同粉絲分享生活點滴之餘，更會留言對粉絲表示關心同鼓勵，好似早前天氣寒冷，佢就喺微博上提醒粉絲記得着多啲衫禦寒，而當粉絲表示近期心情唔好時，佢又會上載性感照同粉絲打氣，如此貼心嘅舉動，令佢贏得幸福女神嘅稱號。此外，佢性格樂觀，個人充滿正能量，佢曾經係網上留言表示：「人活着是一種心情，窮也好，富也好，得也好，失也好，一切都是過眼雲煙，只要心情好，一切都好。不論遇到甚麼困難，只要你自己真正撐起來了，別人無論如何是壓不垮你的，內心的強大才是真正的強大。」從呢番說話可以得知，佢縱然面對工作同生活上嘅壓力，仍然積極面對。此外，佢對於同行後輩亦相當熱心，經常喺微博中介紹一啲新進模特兒，好讓大家認識佢哋，試問如此大方，有邊個模特兒可以做到呢？一位既有外表，內心又善良嘅索女，稱佢做女神絕對冇講錯。
簡介： 王儷丁早前表示生日仍然要一個人度過，唔通佢暗示自己嘅感情處於空白期？不過一位內外兼備嘅索模，話佢冇人追，真係唔會有人信囉。而想知道阿妹更多消息，記得去佢個人微博睇吓喇！
網址：http://sinacn.weibodangan.com/user/5027019119/
出生地：北京
身高：170cm
三圍：37、25、37
撰文：魂