阿倫笑慧嫻升呢情場傻婆
為人向來夠義氣的「校長」譚詠麟（阿倫）上周六完成廣州溫拿演唱會後，翌日即趕返港為前晚的陳慧嫻紅館演唱會擔任嘉賓，昨晨又再會合溫拿到佛山為節目錄影，「25歲」的精力用不完！
前晚是慧嫻紅館騷的第三場，當奏起《愛情陷阱》的音樂時，慧嫻即開始驚呼，阿倫則戴上黑超、穿紅色格仔大褸從台中央的升降台出現，跟着兩人一齊合唱，觀眾反應相當熱烈！唱畢後，阿倫以一貫搞笑說：「聽講你成日遇到愛情陷阱，唔好再遇到喇！唔係傻女係傻婆喇！」
獲讚靚仔：普通咁啦
慧嫻十分感謝阿倫的出現，知對方從廣州趕返港，不忘讚他靚仔，阿倫又搞Gag：「普通咁啦！又唔好讚太多。」本來慧嫻想講多幾句，但阿倫叫她快點落台換衫：「你唔使客氣o架，記得送禮畀我！」阿倫再獨唱一首《酒紅色的心》。其後，阿倫在微博上載「攤」在樓梯與慧嫻綵排時的合照及演唱會後台花絮，這位嘉賓果然投入又落力。
文：音樂組