「藍男」求B心切預演湊細路
近年密密北上賺人仔的王祖藍，去年以1.14億在大埔買入3,000呎豪宅與索妻李亞男築愛巢，為日後生B作準備。兩公婆經常聚少離多，早前祖藍趁假期返港與家人飯敍，於深水埗一中菜館與一眾親友晚膳，更獲安排VIP房。席上有老有嫩，有說有笑，氣氛熱鬧。期間有職員向兩人通水有記者在場，祖藍與亞男出來向記者打過招呼後，便入內繼續開餐。
(目及)實姪女晒溫馨
一行人食至晚上11時醫肚後步出，曾表示婚後兩年生小朋友的「藍男」，對當日同場約4歲的小姪女特別照顧。亞男由出門口那刻開始，視線一直離不開姪女。而祖藍更慈父上身，與老婆左右兩邊拖住姪女的手仔，場面儼如一家三口，溫馨程度爆燈！三人其後齊齊步往附近街頭取車，上車時姪女雖然有祖藍媽傍住，但二人似乎仍不放心(目及)到實，直至安頓好小姪女上車後，祖藍再細心地幫老婆開車門，自己最後才登上司機位駕車離開。兩公婆對小朋友如此照顧，相信已隨時Ready做爸爸媽媽呢！
文、攝：追蹤組