陳庭欣相信誤會一場
無綫節目《星星探親團》將於5月2日播出，參與拍攝的藝人除有麥明詩外，更有陳庭欣、陳凱琳、麥美恩及苟芸慧等，她們將往溫哥華和多倫多等地，拍攝她們如何煉成艱苦留學生的過程。昨晚已啟程到英國拍外景的庭欣，將到曾就讀的曼徹斯特大學（University of Manchester）及北威爾斯小鎮內的一間中學拍攝。
對於麥明詩被指返英國劍橋拍攝時冇申請及被指「白撞」一事，庭欣昨受訪時稱相信誤會一場：「可能喺Party裏面啲同學太高興，唔想將呢啲畫面被攝入鏡頭。（你哋有冇申請？）有，我哋都聯絡咗學校。」庭欣坦言重返校園心情興奮：「好開心可以返去學校，見番啲同學，自從2009年返嚟香港後，我有8年冇返去，我喺Facebook聯絡番啲中學同學，佢哋對我加入娛樂圈好好奇，大學同學就各散東西，相信今次搵佢哋拍嘢會有好多嘢傾！（冠軍港姐返母校拍攝可有衣錦還鄉之感？）又冇，只係覺得有種讀書感覺。」