伊健讚老友心靈幸福
保養得宜的吳婉芳，原來與鄭伊健修讀同一期藝員訓練班，伊健昨晚出席電影首映時表示，與吳婉芳稔熟，但近年較少見，問是否認同對方「凍齡」？伊健笑指她吃了有防腐劑的即食麵：「佢港姐出身當然有番咁上下，天生麗質，唔係點選出嚟？依家佢心靈幸福，老公對佢好又錫佢嘛！」
伊健亦獲讚保養得好，他謙虛說：「女仔比較關注啲，男仔年紀易大啲，只係快同慢。（有咩保養心得？）寓工作於娛樂，歡樂啲係好事。學周潤發行山，打羽毛球都只係間中。做運動係必要，唔好到五勞七傷先做，飲食方面就早餐食好啲，午餐食飽啲，夜晚九點後唔食嘢只飲水，我間中都咁做。」期間有記者指他與方中信同樣「凍齡」，伊健搞笑說：「佢老啲！」
