翁嘉穗上fb追蹤大仔女友
名媛翁嘉穗、靚媽鍾麗淇（Margaret）、李月等昨日出席活動，問嘉穗大仔有否拍拖？她說：「我有問，佢話冇，女仔朋友實有。（你開通？）話唔畀就唔拍係冇可能，會同佢傾，做朋友或者close啲嘅朋友OK，認真拍可以等吓先。」問到有否見過Jason的女同學？她自爆有睇大仔facebook：「我有add佢，試過like佢啲嘢，佢唔鍾意。（佢冇private到？）冇，不過佢哋snapchat嗰啲就睇唔到。」
鍾麗淇哺乳變機械人
Margaret透露考慮為二女辦百日宴，自己目前仍堅持餵人奶：「佢仲未戒夜奶，多數一、兩個鐘就要餵一次，我依家成個機械人咁，希望可以瞓多過4個鐘。」問到大女錫不錫妹妹？她說：「雖然佢未識講嘢，不過見到佢錫妹妹同攬住妹妹嘅眼神，就令我感動到眼濕濕。」而李月被問到旗下模特兒陳嘉莉因與男友崔建邦分手，而找她哭訴一事，她說：「我有叫佢專心啲工作。（崔建邦仲有冇搵佢？）有聽過男方有搵佢，不過佢哋已經分咗手，搬咗出嚟住。（佢有冇話租貴，一個人住好吃力？）佢上一年搵好多錢，超過100萬，生活冇問題。」
