Baby放風生猴B恨打孖嚟
女星楊穎（Angelababy）去年十月與內地小生黃曉明結婚，婚後不久便傳出懷孕消息，昨日她婚後首度來港出席活動，高調放風要生猴B，並揚言會努力造人！
去年十月榮升黃太的Angelababy，婚後一直在內地工作，昨日首度現身香港，出席「海港城新春抱抱財神」活動，她表示已連續8年參與活動，不想中斷這習俗，所以即使正在上海拍電影也要抽空前來。活動上獲一男一女小朋友送上賀年禮物，又與中西財神抱抱，其後中西財神各自抱着一名BB出來，Baby見狀即忍不住逗玩，還抱起其中一名BB，母愛氾濫！
一次過生仔女
Baby在台上透露羊年最開心的事就是結婚，並計劃要生猴B：「人生大事，終於解決咗，yeah，唔使擔心嫁唔出，因為依家有好多條件好好嘅女仔都未搵到另一半，雖然身份唔同咗，但都係一樣繼續做嘢搵錢。（猴年新年願望？）希望今年可以生馬騮，（仔定女？）馬騮仔一個，馬騮女一個，（一次生兩個？）睇緣分，都有啲緊張，（咁你要勤力啲？）好。」
曉明媽要6個
Baby接受傳媒訪問時，直言想有喜事來臨，那是否已不設防？她說：「呢個問題有啲尷尬，總之希望今年或明年有喜事，但未有好消息，（唔想過二人世界？）我哋識咗好耐先結婚，所以都想生BB。（有傳你有咗，所以退出《跑男4》？）唔知點解咁講，我應該會繼續。」早前曉明表示想要有4個小孩，Baby聞言即笑說：「佢媽媽話想要6個，啲網民睇到就add我提醒話奶奶要我生6個。」她自言理想生兩至三個，男女都可以，沒有所謂。
文：名人組