吳鎮宇自認奄尖佘詩曼對戲緊張
吳鎮宇與佘詩曼在戲中飾演上司與下屬，所以二人的對手戲最多，問鎮宇多不多動作戲？他笑言：「我呢啲文藝小生，專演感情戲嘅，不過呢類動作戲又唔會太難。（要到巴西拍外景？）唔使呀，嗰度咁多森巴女郎，我驚流鼻血。如果喺當地逗留耐啲都想去，但搭廿幾個鐘飛機去拍一日就慘過去旅遊。」鎮宇又讚佘詩曼一開工即變得苗條弗爆，並自言是奄尖的演員，指佘詩曼工作上碰上他「相當唔好彩」。
而佘詩曼日前拍攝一場複雜的戲份，並跟鎮宇首次演對手戲，令她感到十分緊張！戲中女角之一李成敏有不少動作戲，阿佘原來也有不少飛車動作場面要拍，她自言難度在於她所穿的服飾很緊身，令她未能添加護墊保護身體。而不用到巴西拍外景的她，則會留港陪家人度歲。
雖然仍未到農曆新年，但鎮宇已先發新年財，他透露近日在賭場拍攝時拉老虎機，順道贏了二千多元，當然要萬歲與大家分享。問會否再搏殺？他笑說：「唔會喇咁細，我去開私人廳。」