戀王愛倫兒子林建龍 Olga Verbych為愛留港
前港姐王愛倫愛兒林建龍（前名林建隆，Derek）與外籍模特兒Olga Verbych拍拖3年，兩人感情穩定，Derek亦經常帶女友出席公開場合，亦已見過王愛倫，看來已認定女友。
25歲的Olga來自烏克蘭，本身周圍飛工作，因為與Derek拍拖而為他留在香港發展，她透露與Derek拍拖3年：「由朋友介紹認識，我嚟香港冇諗過同亞洲人一齊，我做模特兒成日周圍去，之前成日飛亞洲，最後一站係香港，因為識咗Derek，佢對我好好，所以我留低。」Olga因愛而留港，亦因愛而學廚。
大讚男友浪漫
Olga每到一個地方都會學煮當地的食物，早前到泰國就學煮金邊粉，而在香港就懂得煲湯。提到有否為男友下廚？她反而大讚男友平時十分浪漫：「喺泰國佢安排沙灘燭光晚餐。（係咪求婚？）大家都仲細，會4年後，我希望30歲前結婚。（生BB？）我鍾意小朋友，但順其自然。」二人不時去旅行，亦會在instagram大晒恩愛合照，sweet到爆！
服裝：The Surian
場地：Manzo Italian Steak House