冼國林細女有童星天分
國藝主席冼國林早前身兼導演及編劇拍攝微電影《媽媽，生日快樂》，在西樵山國藝影視城取景，除出動旗下藝人周嘉莉、陳嘉桓、阮頌揚及黃文慧等參演外，細女冼灝恩更首度登場做演員，飾演嘉莉的女兒，只見恩恩相當活潑可愛，完全沒有怯場，頗有做童星天分！
提到父女檔「合作」微電影，冼國林笑言是無心插柳，只因原定演出的童星年齡太大，臨急之下決定由恩恩上陣，冼國林說：「起初恩恩都唔知咩事，但出嚟效果大家覺得佢幾Cute幾可愛。（捧佢做童星？）冇諗過呀！但講笑咁講，如果有人出好多錢搵佢拍戲，個女又肯，我又唔拘喎！哈哈！」他指女兒已四歲，開始「乜都管」：「我丟垃圾、食得大聲啲、啲嘢亂擺佢都要管，唔知點算呀！」
周嘉莉忽略家人
片中周嘉莉忙於工作忽略照顧母親，冼國林表示希望藉電影宣揚正能量，他說：「想拍有關親情嘅電影，令社會多啲正能量，都唔係為錢，係為興趣。」周嘉莉亦想提醒大家不要只顧工作：「角色有啲似我，有時屋企人打電話畀我，我好快就收線，亦冇咩時間互相傾偈，拍完套戲令我更珍惜同家人相處，同埋今次去到國藝影視城拍攝，入面嘅啟德遊樂場有海盜船、碰碰車、旋轉木馬，搵番好多兒時回憶。」
文：影視組