吳業坤保愛苗 做龔嘉欣契弟
近日人氣急升的吳業坤（坤坤）與龔嘉欣（Katy）的緋聞愈傳愈盛，可是「坤欣」為力保愛苗，坤坤惟有焗認嘉欣做家姐，二人更趁劇集《愛‧回家》新年聚餐，宣布交換金飯碗「上契」，順利以契姐弟關係作為「愛情擋箭牌」，為愛欲蓋彌彰！
人氣勁升的歌手吳業坤（坤坤）與藝人龔嘉欣（Katy）合作拍攝無綫劇集《愛‧回家》而屢傳緋聞，戲內戲外亦與Katy以姐弟相稱，惟二人對戀事口風常變，令關係撲朔迷離！早前被《好報》報道要焗認姐弟戀護愛苗的二人，昨日現身劇集《愛‧回家》的新年聚餐，更向全場宣布將要「上契」，一於以契姐弟關係作「愛情擋箭牌」。
互送金飯碗
坤坤昨日進場後不久即揚言有重要事宣布，並於購物袋中抽出一對足金飯碗，即場宣布要與龔嘉欣「上契」結誼，坤坤說：「今晚交換禮物先，Pre上契，上契要搵日正式擺番幾圍。以後大家可以叫佢『坤姐』，咁我又有坤媽同坤妹！」在交換金飯碗期間，二人更於席間大耍花槍，出口術爭要大金飯碗：「我做大，要大嗰個（金飯碗）！」、「我做細，你要讓我！」
昇華多人錫
問到「上契」此舉是否想劃清二人緋聞關係時，「大家姐」Katy說：「唔係，係昇華咗就真，一家人嘛。以後我又有坤媽錫，我自己媽媽唔喺身邊，依家多咗人錫。」談到與工作人員聯歡，Katy就表示：「我都算搞手，演員話夾錢埋單，若果唔夠咪我哋兩姐弟包底囉。」在旁的坤坤即說：「梗係有大食大啦。」
文：專案組