Ana R.諮詢醫生防產後抑鬱
產後首度復出的名模Ana R.，自爆出席活動的短短時間已不捨得愛女Maya，在出發途中已忍不住哭。她笑言自己對於女兒的所有事，包括吃奶、大小二便、不開心等等，都會忍不住喊一餐。她強調自己只是情緒化，並非產後抑鬱，但亦會問問醫生的專業意見，以策安全。
生B女後首次亮相公開活動的名模Ana R.，昨日出席「apm潮猴躍動迎新春」活動，同場還有新鴻基發展（中國）董事馮秀炎及新鴻基地產代理有限公司推廣部助理總經理李少芬。穿上中式服飾現身的Ana，手腳纖瘦，但尚未完全修身成功，上圍亦明顯升cup不少。她透露自己剛完成韓式「坐月」，體重已快回復正常，短短5星期已瘦了12至15公斤。
餵哺母乳要戒口
她表示由於女兒不能直接哺乳，要先泵奶再餵囡囡，故非常花時間。她說：「我要食多啲菜同魚嚟谷奶，又唔可以食糖、咖啡、朱古力、辣嘢等等，真係好悶。我目標係餵6個月人奶，依家先過咗個幾月，好攰，但我會努力。」作為新手媽媽的她，自爆由於太掛住囡囡，剛才忍不住哭了，她笑言：「我咩都喊，佢唔飲奶、屙唔到、見到佢唔開心，我都會喊。（會唔會係產後抑鬱？）應該唔係，只係有啲情緒化，應該要問吓醫生。」
囡囡名字國際化
Ana透露B女名叫Maya Ji Hye Garland，由於自己有西班牙及韓國血統，而老公則有英國血統，故BB的名字包含三個國家的特色，非常國際化。問到囡囡長得像誰？她說：「一半一半。起初個個人都話佢生得似我老公，但佢個樣日日變，依家眼形、下巴、輪廓都似我。同埋佢對腳好長，偏瘦。」她表示會替女兒辦百日宴，並打算為她度身訂造韓服。問到會否帶她外遊？她說：「要等三、四個月先，佢依家食嘢、瞓覺都仲未定時。」
文：名人組