肥媽keep fat備戰怕老公呷醋

肥媽表示不會刻意減肥，笑言怕老公會妒忌自己有追求者。

肥媽透露今次是最後一次開紅館個唱，並希望個唱後進入半退休狀態。當談到可會為演唱會減肥，肥媽笑指要keep fat，因大家覺得瘦了不好看，又怕老公會妒忌有人追求自己。問到演唱會神秘嘉賓，肥媽說：「大家唔同唱片公司唔講得o架，我淨係知有草蜢、巫啟賢、黃小琥、鄭欣宜。」

抽時間陪家人

問到肥媽為何選擇做告別演唱會，她直言想陪伴家人及做個稱職的新抱、老婆、外母同家姐。至於工作量方面，肥媽表示：「如果煮嘢就OK，嗰啲幾日就拍完，登台唱歌就唔會喇，之前馬來西亞嗰邊有個二百幾萬嘅job，要每個月過去都推咗。個心係想喺香港做個終結。（老公怕你辛苦？）佢兩年前已經叫我退休。」她又指剛剛過去的聖誕節首次跟家人過，但全家人都畀壓力自己，搞笑說：「我嗰晚就對住我老公講粗口，我話X你，佢就話佢等咗好耐！」

肥媽為個唱舉行記招，獲錢國偉（左一）及黑妹（左二）撐場。

肥媽透露今次是最後一次在紅館開騷，之後會減少工作，多抽時間陪伴家人。

另外，問到錢國偉太太陳宛蔚被菲傭偷走銀行月結單借錢一事，他表示該事件是太太外家發生：「畀人嚇吓又驚一餐，咁唔係個個都壞人，要將啲有資料（文件）嘅嘢碎咗佢。」

文：音樂組