葉家寶恨做藝人開「飯局」

前亞視執董葉家寶將於3月正式離開亞視，雖然仍要向公司追回幾十萬，當中包括薪金，以及早前就亞視欠薪而墊支的官司費及罰款，但正在離職前休假的他昨日接受本報專訪時指已鬆一口氣，更謂考慮過之後全職做藝人：「有人都叫我不如開個『飯局』！」至於亞視無法續牌，葉家寶指公司積弱多年，而過度主觀的前亞視投資者王征則是導火線：「佢始終唔係喺香港長大，對香港嘅了解唔及地道香港人，而佢就話我哋係因循，佢嘅過分堅持令亞視喺政策上唔啱香港人口味。」但指自己亦有責任，亦表示後悔接任執董前未想清楚法律責任，問如可揀多次會否再做執董，他即謂：「如果間公司係健全，就一定會做嘅。」