林欣彤情緒病惡頂補習天王想掟煲
曾自爆有抑鬱症及厭食症的林欣彤（Mag），日前被本報獨家拍得秘撻高大富二代，頻頻於男方跑馬地豪宅sweet爆談心。昨日有讀者爆料，指該名高大富二代是過氣補習天王David Chiu（趙永康） ，更由許廷鏗介紹Mag與David認識。David先後與前港姐張舒雅、歌手AGA拍拖，近日他不停與身邊友人表示想分手，傳與Mag情緒病嚴重，成日嗌自殺有關。
Mag昨日在電話中不認與David拍拖：「我哋係朋友。（有發展空間？）同任何人都有。」Mag指當日是大班朋友聚會，因不識路，對方才去接她，並再三強調只屬好普通朋友。對David是張舒雅、AGA的舊愛，Mag說：「做朋友唔會過問人哋嘅嘢，況且佢係圈外人，唔想畀壓力啲朋友。」爆料人指她傳情緒病嚴重成日嗌自殺，嚇怕David分手，Mag說：「我覺得諗出嚟嗰個人好衰，首先我哋唔係一齊，其次我好正常，依家好開心、好正面。（中傷你？）係囉。（唔抵得你？）我唔覺得係，當係娛樂新聞。」
