黎曉靈被熱情貧童感動

三女到訪慈善中心，獲逾百名兒童歡迎。

Kimmy表示該機構由Elaine Eleazar創辦，Miracle Central每天也會免費提供約400份飯餐給小朋友。今次是她第二度探訪，第一次探訪正值她喪父之後，她說：「我一心諗住幫佢哋，點知係佢哋幫番我，我返到香港，大家好驚訝點解我可以喺喪父傷痛之中康復得咁快。裕美、家瑩今次係自費探訪，出錢又出力，好感謝佢哋。」

開心正能量

首次到菲律賓的Grace表示由於航班甚早，行程緊密，已有24小時沒睡，但見到小朋友即大為振奮：「佢哋嘅正能量好大，雖然曾經被虐待，但佢哋依然好開心，所以就算我幾攰都好，見到佢哋成個人精神晒。」至於裕美也是首次到當地探訪小朋友，她深受感動地說：「我冇諗過佢哋係咁熱情、咁有活力、咁可愛，見到佢哋嘅時候覺得唔係我嚟祝福佢哋，而係佢哋祝福我，當佢攬住你對你笑，我都感受到愛。」

黎曉靈致力幫助當地的貧困兒童。

張家瑩（左起）、裕美、黎曉靈甫到場即為小朋友派飯。