盈盈細女百日宴大女獻聲錫到燶
錢嘉樂與湯盈盈日前為細女Kassidy舉行百日宴，筵開四席宴請親戚好友，包括佘詩曼、梁靖琪及文頌嫻等，而盈盈亦開心於微博上載照片及留言謂：「我們的女兒有中文名喇！Introducing……『錢凱琪』～Kassidy的100日派對很漂亮。」相片中的盈盈與嘉樂一人抱住一個寶貝女，相當幸福，而大女錢凱晴（Alyssa）就被七彩的蛋糕吸引住，相當搞笑。
湯盈盈接受訪問時表示佘詩曼很有心，由於當日是好日，故阿佘都要走幾場，事後專程攞封利是前來給Kassidy，問到盈盈細女Kassidy是否很乖？她笑謂：「佢好得意、好乖，我都驚讚壞佢，佢朝朝都會係咁笑。（家姐錫妹妹嗎？）喺我面前家姐平時唔會表露啲乜，但當我唔喺屋企，我試過喺部cam度睇，佢會幫妹妹抹口水，搣妹妹臉珠，好錫佢，不過家姐都好鍾意黐我，所以喺佢面前，我對妹妹都會就住就住。」
嘉樂英語教女
問到老公嘉樂錫邊個多些？盈盈謂：「佢兩個都好錫，佢依家成日同個大女講英文，自己又唔叻，不過佢哋又溝通到，我叫佢不如同個女講中文啦！再係咁個女唔識中文嘞！」於百日宴中，大女Alyssa拿着咪於台上唱歌，盈盈笑指大女遺傳了他們的藝術家脾氣，亦不怕醜，因為看過嘉樂多次演唱會，更喜歡唱《與我常在》，經常與爸爸一起唱，當然有在百日宴上台唱。
文：影視組