陳凱琳享受拍拖唔介意少工作
陳凱琳、許廷鏗與吳若希等昨日到葵芳出席無綫節目「慈善星輝仁濟夜」記者會。陳凱琳早前探訪一位癱瘓人士分享他的故事，她指覺得心酸但也感受到香港人的積極性，覺得很有意義。暫未開新劇的陳凱琳最近可享受與鄭嘉穎拍拖時間，她說：「可以享受吓拍拖，食吓飯、睇吓戲，之前好忙，依家可以做愈少嘢愈好，可以輕鬆吓。」問到會否與男友鄭嘉穎去旅行？她說：「要睇吓夾唔夾到時間，佢有時都要去外地做嘢。（會唔會跟埋去？）睇吓就唔就到時間，自己都有啲節目要拍，就到都會嘅。」
至於吳若希與許廷鏗齊受訪，她取笑對方主唱的劇集《無心法師》主題曲《記住忘記我》好聽兼不停播放，問到許廷鏗可覺得歌曲洗腦？他笑說：「希望係好嘅洗腦，觀眾會鍾意。（問好友林欣彤有新戀情？）都係睇報道，佢咁靚又咁索，如果係拍拖都祝佢幸福。（早前陳海琪寸吳業坤天真？）佢又係幾天真(口既)，哈哈，好似之後又讚番佢啦！」
