狂野姚子羚 尷尬摸龜頭
藝人姚子羚前晚為新節目錄影要與龜做對手戲，台上她語出驚人叫隻龜要將「龜Head」抬起，令全場爆笑！而楊詩敏亦不甘示弱當眾玩蛇，玩遊戲時俯身趴地兼「拋波餅」，同樣吸睛。
前晚姚子羚、楊詩敏（蝦頭）到電視城錄影新節目《Sunday好戲王》，子羚在節目中要與一隻龜對戲，她說：「原本我係同條蛇做戲，我驚蛇，好在蝦頭捱義氣頂咗。（同隻龜講咩？）佢做我細佬，我都仲Load緊要同佢講咩。（會摸佢個頭？）我驚唔出得街喎，龜係代表長壽。」
玉女變猩猩
到正式錄影時，子羚放下玉女本色，誇張扮猩猩動作，又落足心機與龜做戲，吩咐龜細佬要努力，更叫牠抬起「龜head」，發憤向「忍者龜」夢想努力抬頭，全場爆笑。談到「胡說八道會」有意搞演唱會，身為成員之一的她表示計劃中，對於另一成員黃智雯透露會安排性感舞步，子羚說：「好耐之前我哋係排過半隻歌，都係性感嘅、韓風啲嘅。」至於蝦頭楊詩敏演繹時，肉緊舞蛇之餘還作狀將蛇放入口，不過，仍不及她玩遊戲時俯身趴地拋波餅般吸睛。
薛家燕怕喊
擔任嘉賓評判的藝人薛家燕表示一向喜歡綜藝節目，加上自細便入行，所以擔任評判相當合理，講到演戲遇到最難是甚麼時，她說：「要即時喊係好難，仲有傻更更都唔係咁易做，奸角就容易，依家好多奸角個樣都好正經，做奸角要面目猙獰、奸到入骨令人心寒。做喜劇就要做到人哋見到你都感到開心。」早前她一家人到了新加坡旅行，難得與海豚一起暢泳，薛家燕說：「不過佢哋好似唔係好鍾意我，因為佢要用個嘴頂住我游水，可能佢覺得我重咗少少。」
文：影視組