汪詩詩爆子丹 為仔女拍《星》片

「宇宙最強」甄子丹太太汪詩詩、「恒生新抱」何倍倩、「皮草太子爺」王大業、名人周國豐等昨日出席活動時，興奮地與現場的黑武士拍照留念。詩詩透露一對子女是《星球大戰》的超級粉絲，子丹亦因為他們喜歡，而接拍了該電影。她笑言：「真係好偉大。佢哋好開心，覺得爸爸係英雄。（有冇帶佢哋去探班？）暑假有去過，不過當時未on set，佢哋睇唔到啲太空船。（會唔會再帶佢哋去？）12月中就拍完，睇吓4、5月補戲嗰陣有冇機會。」問到子丹飾演甚麼角色？她透露：「係忠角。（係咪唔會演奸角？）唔係，如果啱都會演，其實我覺得黑武士都好型。」