林泳淘歎世界露出戲癮

林泳淘除了忙着做節目《東張西望》外景主持，更會到台灣拍旅遊節目《3日2夜》，之前到過越南及蘇梅拍旅遊節目的Wingto，對於今次可再到台灣寓工作於享受，表示好期待：「今次主題係講歎世界，可以浸唔同種類嘅溫泉，浸溫泉對我嚟講係最好嘅紓緩方法。」

預告台灣晒料

屬「有料之人」的Wingto以往曾在節目中晒「導彈」，她預告在台灣會穿泳衣拍攝，問會否擔心觀眾將焦點放在其身材？她笑言：「如果係咁，我要檢討吓自己啦，畢竟做咗兩年幾主持，如果人哋都係睇身材多啲，證明我講嘢能力低，要再進修吓。」

林泳淘希望與鄭丹瑞及阮兆祥合作。	節目《超強選擇1分鐘》曾邀得林泳淘（右二）參與。	林泳淘早前在旅遊節目中以泳衣示人。（資料圖片）

有不少主持經驗的Wingto坦言想有新突破，希望有更多拍劇機會，早前她在劇集《波士早晨》與張致恒（Steven）做對手戲，事後大讚Steven友善：「同佢合作好開心好驚喜，我係聽佢啲歌大，估唔到可以同佢拍劇，佢冇架子，好好人，有咩問題請教佢，佢都好樂意答。」

想同阿旦合作

Wingto亦表示想和鄭丹瑞（阿旦）及阮兆祥等好戲之人合作：「鄭丹瑞係我讀訓練班嗰時嘅班主任，佢心境年輕，好多諗頭，同年輕人冇隔膜。而阮兆祥一向好搞笑，之前試過訪問佢，見識到佢反應好快，又好聰明。」

文：專案組　

攝：黎志輝　

服裝：snapshot　

場地：PaperClip