Bobby 蚊蚊夾啱嘴型當贏
藝人歐陽震華（Bobby）和萬綺雯（蚊蚊）今年因合作台慶劇《東坡家事》而成為好友，二人更齊獲提名《萬千星輝頒獎典禮》視帝和視后。曾在2000年贏視帝的Bobby，視頒獎禮為朋友聚會；而蚊蚊則志在享受過程，兩人均視獎項如浮雲，最緊要遇上一班夾嘴型的拍檔，難怪如此老友。
Bobby與萬綺雯因拍《東坡家事》而成好友，二人齊齊參與今年無綫頒獎典禮，更有份角逐視帝和視后，演藝成績備受肯定。
屋企仲有位擺獎
Bobby曾於2000年憑《洗冤錄》勇奪「本年度我最喜愛的男主角」，事隔15年再爭「視帝」，他笑謂：「攞唔攞獎聽天由命啦，希望愈大失望愈大，做嘢方面嘅鬥心梗有，但攞唔攞獎唔到我話事。（恨攞？）咁我屋企仲有位擺，有就梗係最好啦，冇都要繼續努力，又唔會灰心。」他認為攞獎涉及許多因素，譬如對手、劇本、遊戲規則等，又謂：「係你嘅就係你嘅，唔係你嘅就唔係你。」
自己揀戲最重要
至於蚊蚊，由亞視過檔無綫已三年，原來並沒有任何抱負：「當初一傾已經有套戲搵我，一路部頭咁去傾，每套戲接唔接係我自己揀，每套戲有啲特質，或者對手、角色、方向係我鍾意先做，呢點對我嚟講好重要。無論結果係點我都接受，我覺得呢三年結果好好，好開心。」
蚊蚊又稱對獎項「隨緣」：「我比較享受過程，如果拍攝過程開心，又有角色可以發揮，我覺得已經賺咗，獎項就唔輪到我控制。」並謂最開心識到一班又夾、又「乜都傾」的朋友。
文：影視組
萬綺雯服裝：KENAXLEUNG
髮型：Dominic Tao（Pi4.com.hk）
場地：香港九龍東皇冠假日酒店