張繼聰曲線讚老婆靚
向來轉數快的張繼聰面對老婆謝安琪（Kay）出的難題，去到第八集準決賽終於捱不住，敗給陳瀅及楊詩敏（蝦頭），無緣殺入決賽。事後他笑言已忘記答過的問題，但死撐自己答錯題這個處理方法是正確：「因為問嗰個係我老婆，咁女士係一種好有層次嘅生物，有陣時要估到佢，有陣時要估唔到，我諗大部分女性都鍾意適當時候估到佢，適當時候又估唔到，所以我嘅策略係特登估唔到。」
張繼聰又大讚老婆主持表現好：「觀眾朋友唔好只留意答嘅人嘅表情，其實可以留意問嗰位小姐，佢問得都幾可愛，因為如果你問得唔好又或者掌握得唔好係會畀人打，但佢問得嚟又有種剛柔並重嘅感覺，變咗我答嘅時候都心甘命抵，所以我贏咗o架嘞！大家要繼續留意《巨星放題》，你可以考吓自己IQ，又可以睇吓問問題嗰個女仔幾靚。」