方力申需要人讚

方力申及鄧麗欣（Stephy）十年前因葉念琛執導電影《獨家試愛》成為經典情侶檔，最近三人合作延續《獨》片的新作《紀念日》，小方與Stephy飾演結婚十年的夫妻，卻邂逅師妹盛朗熙（Joy）。小方說：「首先Joy比我老婆年輕，而且成熟男人係好需要人讚，我角色同Joy一齊玩魔術，佢成日讚我叻、勁！呢份讚美令自己存在感強好多呀！」問現實中他與Stephy有否互讚？小方笑言：「我都會搵位讚佢，讚佢排球打得好，做到十下掌上壓好犀利。（咁佢多數讚你咩？）唔……讚我都幾大食，食晒所有嘢唔怕肥咁囉！」