楊怡冇期望會爆出
楊怡多年來演技備受肯定，曾奪過視后的她今年再以劇集 《收規華》梁芯一角角逐視后。楊怡坦言角色造型有趣，亦是第一次演此類角色。她又指拍檔林夏薇、楊明及張繼聰等都是好對手：「阿聰係一個好好嘅對手，其實之前成日做啲苦情戲，哭哭啼啼，之後都想做啲喜劇，因為真係未正式做過，奸角我都想，始終呢啲角色會比較令人深刻。」
對於奪視后信心，阿怡表示都是平常心：「冇話畀後起之秀而增加自己壓力，我今年睇好定欣同阿田，但阿田都攞過，其實定欣都好努力，所以今年我投定欣一票。自己冇話太大期望會爆出，太緊張反而會失望，以前唔會，依家更加唔會。」提到男主角，阿怡沒有投男友羅仲謙，反而揀了拍檔阿聰，她說：「我覺得佢做得好好，希望之後都可以同佢再合作。」