高海寧自問爭唔贏扯定白旗

無綫昨晚舉行一年一度的職藝員盆菜宴，電視廣播城的露天停車場筵開近200席，合共約2,500位台前幕後工作人員出席，藝員方面逾250人。集團行政總裁李寶安表示盆菜宴分兩日舉行，今晚將會有260位藝員出席，又表示兩年後無綫踏入50周年，半個世紀以來成為香港最強電視台，經多次大挑戰後仍安然度過，期間明寸亞視：「大埔嗰邊友台（指亞視）幾個月後冇得用大氣電波傳送，前景好渺茫。」其後，李寶安再上台為台慶頒獎禮投票，農夫問他投了誰一票時，他笑說：「個個有份，永不落空。」

黃心穎家姐幫拖

現場所見，黃心穎最受歡迎，被不少幕後同事拉着合照，對此她笑言：「係喎！（有冇拉票？）咁又冇，自己怕醜，但已經覺得好Warm，今年都有信心攞女飛躍獎，但對手林夏薇同朱千雪都好強。」心穎又指家姐有幫手於網上拉票，但她笑說：「如果拉票好似冇咁實至名歸咁！」

黃心穎有家姐幫手拉票，為爭女飛躍獎打下強心針。	李施嬅睇淡視后選情，改為撐胡定欣贏獎。	陳百祥與汪明荃等齊齊圍埋食盆菜抗寒風。

當司儀叫高海寧上台拉票時，她竟然倒米說：「大家今年唔好投我一票，投其他鍾意嘅藝人，下年先投我啦！」問到這樣說是否代表冇信心角逐「女配角」？她說：「冇，完全冇！頒獎禮當晚會打扮靚靚，今晚唔會拉票喇！放棄！自己睇好羅蘭同姚子羚，今年自己得一套《天眼》。（重質不重量！）質都冇信心，我好謙虛，自己仲有好多進步空間。」提到台慶戰衣，高海寧早前婚紗店揀衫，但被誤以為結婚而恭喜她！她又指今年戰衣不會太性感，留待明年再戰。

黎耀祥（左）甚受同事歡迎，排隊與他合照。

李寶安上台率先投票，笑言人人有份！

李施嬅打定輸數

另外，李施嬅今年有份角逐視后，但同樣表示冇信心，反而希望憑《風雲天地》的角色獲提名女配角，但最後落空。至於視后心水，施嬅表示睇好定欣，並會投她一票：「除了感情分之外，佢亦都係好好嘅演員，之前見到佢攞馬來西亞視后，都戥佢開心，我都有叫朋友投定欣一票。」

文：影視組