陳煒傅嘉莉揀定戰衣等運到
藝人陳煒和傅嘉莉齊齊為本周日晚無綫台慶頒獎禮揀戰衣和選鑽飾，其中陳煒以台慶劇《梟雄》的「桂生姐」一角首度入圍角逐視后及「最受歡迎電視女角色」兩獎，叫雙飛的她憑其大家姐霸氣，有望突圍而出。
前亞姐冠軍陳煒有「亞視一姐」之稱，由亞視轉投無綫年資尚淺，但今年在台慶劇《梟雄》中演黑道大家姐「桂生姐」入型入格，備受關注，其大家姐風範融入角色中，因甚有發揮，難怪今年首次入圍角逐台慶頒獎禮的視后及「最受歡迎電視女角色」兩個獎項！
何國鉦操刀設計
為隆重其事，陳煒日前專誠邀設計師好友何國鉦設計戰衣，並揀選將在頒獎禮佩戴的首飾，其中一套更是荷里活女星莎朗史東曾經戴過的逾千萬鑽飾，她說：「呢套首飾好有星味，出席星期日晚嘅頒獎禮好襯！」
對於今次角逐兩個獎項，她以平常心面對：「《梟雄》係男人戲，我冇諗過有機角逐視后，所以得到觀眾喜愛同肯定我已經好開心，有獎係錦上添花。（戲內外都大家姐風範？）拍戲時所有台前幕後都叫我『桂生姐』，令我更入戲，現實中我都好鍾意照顧人，萬歲請食飯都好平常。（演出過程有冇辛酸？）可能太鍾意呢個角色，05通告都冇乜所謂，好多謝監製王心慰畀呢個機會我演桂生，係我入行以嚟最鍾意，可以話係代表作！」
「有提名已經夠」
而傅嘉莉憑《張保仔》夏嬋一角角逐「最佳女配角」，興奮的她特別到時裝設計師丘雪祺的服裝店挑選戰衣：「我第一次參加，唔會刻意性感，我自己鍾意大露背。（唔驚凍？）預咗，（信心？）有得提名已經夠，抱住去見識同感受嘅心態出席已經好滿足！」
文：影視組
攝：劉智源
場地：jFoto
首飾：DAMIANI