單立文由憎生愛醉後上埋床

單立文、李思捷與Palwerful Band昨日舉行演唱會記者會，獲林夏薇、側田、江美儀及排舞師Sunny Wong撐場。因為胡定欣與王敏德未能到場，大會安排了Palwerful Band的成員手持兩人樣貌的紙牌面具現身，但成員之一、定欣男友陳明道（Terry）刻意拿着王敏德的面具，最後應記者要求才肯拿起女友的面具。

揭胡定欣「咩咗啦」

受訪時，單立文笑言演唱會中會講有味笑話，但樂而不淫：「大家聯想到啲咩就咩啦！父母唔教就有Uncle教，招招煞食、到位、到肉。」提到不少藝人愛在台上求婚，問到屆時可會將舞台借給Terry向定欣求婚？單立文認為一段感情不需靠外人去幫忙：「嗰啲大龍鳳嚟啫！私底下一早咩咗啦！」

單立文與李思捷（左）開騷，即場騷吓Quali。	胡蓓蔚遭老公單立文爆大鑊，肯定扭佢耳仔！	胡定欣男友勁怕醜，不肯戴上女友的面具。

另外，近日網上發起「網民最討厭的十大藝人」票選，思捷以6,300票排名第四，他聞言即寸寸貢回應：「乜嘢網？邊度呀？唔知喎！另外嗰邊我係最受歡迎藝人喎！」身邊的單立文則為好友解圍：「做得親家之前一定係冤家，你唔留意佢就唔會討厭佢，初時我都好討厭我太太（胡蓓蔚），了解過之後發現佢原來唔係咁衰，之後仲飲大咗上埋床！」

陳明道

胡定欣

文：音樂組