已故樂壇天后梅艷芳的過千件遺物，早在2013年前曾進行拍賣，昨日再有人將阿梅的遺物以網上形式拍賣，拍賣由昨晚六時開始，至本月22日下午六時截止，合共有3126個拍賣項目，底價由一百元至一萬元起，最矚目是阿梅於1982年新秀歌唱大賽冠軍獎座（拍賣編號1057）及阿梅於1984年第四屆香港電影金像獎奪得之「最佳女配角」獎（拍賣編號1060），底價同樣是一千元，當中還有阿梅未剪牌的黑色內衣套裝，底價五百元。
梅媽昨晚電話受訪表示：「我乜都唔知，一路拍賣都冇人話過我知。」梅媽最痛心是阿梅新秀獎被拍賣，她說：「阿梅最大、最有價值嘅獎都唔肯留個畀我。（連阿梅未着過內衣都有得拍賣？）阿梅着過嘅衫都唔畀我，冇嘢值得我留戀，話我貪錢，如果我貪，當年我都可以問阿梅，佢一定肯畀我，但啲錢係佢搵番嚟嘅辛苦錢，依家每個月得三萬元生活費，又要畀工人、燈油火蠟都要，根本唔夠，我連的士都唔敢搭，之前咪因為搭叮叮（電車）跌斷腳，我依家欲哭無淚。」