Lynn 寸爆城城：終於唔使驚講錯嘢
郭富城突然高調公開與大陸嫩模方媛（Moka）拍拖，曾與城城拍拖七年的名模熊黛林（Lynn）昨日在活動中首度開腔回應城城戀情，句句寸爆！談到有否留意城城的新戀情？她說：「一定睇到，日日都有新聞。（覺得佢哋襯唔襯？）自己開心同鍾意就得，我呢啲外人只可以祝福。（唔開心佢以前唔公開戀情？）我依家開心就唔會諗以前，以前啲嘢已經唔重要。」
Lynn說不認識Moka，不方便評論城城是否轉了嫩口味，至於早前她在網上晒與男友的情侶鞋，是否藉機反擊？Lynn說：「冇話反唔反擊？呢個公眾地方，你晒得，我又晒得，大家開心就好。（佢話生活唔係戰場，唔需要一較高下？）我覺得唔肯定自己係咪幸福嘅人先要同人比較，我依家冇咁嘅需要。（依家好幸福？）大家睇得出，從我笑容就知。（因依家戀情見得光？）哈哈，係終於可以舒舒服服，唔使驚講錯嘢、做錯嘢！」
聖誕節Lynn會與男友郭可頌及其家人去日本旅行，但否認此行辦婚禮，男友都未求婚，希望男友求婚時做足全套有戒指、花及跪地，Lynn又揚言已ready結婚，並慶幸找到令她有安全感、覺得下半世都想跟他一起的人。
