葉玉卿許諾幫手尋父

身在美國的葉玉卿，於朋友圈中聞得好友Elaine提及到美國萬里尋父一事，卿卿受訪時說暫未收Elaine來電：「冇所謂，佢過嚟我無任歡迎，我哋識咗咁多年，雖然知道佢有飛行恐懼症，但好耐之前已叫Elaine的起心肝，同個女搭一次飛機過嚟，佢要搵爸爸，我都會幫手！」
葉玉卿
葉玉卿

有見Elaine與女兒卓林的感情關係雨過天青，卿卿亦戥她開心：「我都有個同樣係反叛期嘅女，年齡比卓林大少少，好彩半年左右已經冇事，返回媽媽身邊。所以我都係過來人，見佢同個女冇事都好開心。（Elaine來電傾訴？）冇特別講，我都係睇香港啲報道，不過佢都有叫我放心，其實Elaine好叻女，成熟咗好多，積極工作，至少佢化番個靚妝，執番個靚樣！」

吳綺莉（右）、葉玉卿（左）相交多年，感情深厚。
  • 吳綺莉（右）、葉玉卿（左）相交多年，感情深厚。