王友良疊埋心水 等天賜緣分

王友良最近的身份是歌手，主唱大人和小朋友都喜愛的卡通人物《櫻桃小丸子》的中文版歌曲，並和「美心妹妹」楊鎧凝合拍MV。《櫻》原作者櫻桃子對中文版歌曲十分緊張並親自填詞，聽過王友良的演繹讚不絕口，由於這歌是講結婚，負責翻譯中文版歌詞的王友良，錄製後把歌曲給不少朋友聽，「我畀埋唔識聽中文嘅外國朋友聽，會問聽唔聽得出結婚開心嘅感覺！我最喜歡嘅一句歌詞係：『出生那天已注定這緣分』，我覺得結婚應該就係有呢種好注定嘅感覺。」

忙到連放假的機會也少的王友良，有時間找「注定這緣分」嗎？他說：「今年初識到一個，原本以為係，但結果唔係。都會失望，總之係複雜嘅關係。媽咪成日都笑我忙成咁，唔拍拖結婚仲好，費事害人！我性格坐唔定，喜歡嘅嘢又多，做緊鍾意嘅嘢就唔會覺得辛苦，例如搞龍珠、小丸子同美少女戰士呢類project，係圓咗我嘅兒時夢想。」他續說從不刻意去想怎樣吸金，做喜歡的事就足夠，把興趣變為生意，如熱愛漫畫的他，正發展漫畫手稿的買賣。

王友良早前與楊鎧凝合拍MV，左為松岡李那。

將興趣化為事業，王友良只為一圓兒時夢想。

帶團日本打針

最近王友良還搞日本高級美容團，他說：「安排客人去日本高級美容店打針，如收眼袋、打幼隻腳等等，打一支眼袋針都要十萬蚊，客人有男有女，反應熱烈。個人嚟講，我只可以接受微調，但好多人都會整到上晒癮。」他也有為客人做日本樓宇買賣，「依家好多香港人去日本買樓，但係好多條例都唔清楚，尤其個個買舊樓，萬一地震，個賠償係未必cover得晒！」曾在全球big 4的會計公司做稅務會計的王友良，不但性格坐唔定，而且甚具生意頭腦，如果只可用冠上一個名銜，「老闆」這名應是最簡單貼切！

文：專案組

攝：司徒國榮

場地：Mira Mall