《玄學星相》：胡定欣夠進取阿田有獎照攞
每年視后競爭都相當激烈，今年大熱有田蕊妮、胡定欣和萬綺雯，三人各有支持者鬥得難分難解。三屆視帝黎耀祥就話睇好阿田冧莊，而歐陽震華和馬國明就睇好胡定欣封后。《東網巨星》推出的節目《玄學星相》最新一集，邀請三位視后大熱挑選不同顏色的花朵，再邀堪輿學家陳子才預測三人的得獎成數。
《東網巨星》娛樂節目《玄學星相》自播出後反應熱烈，網友睇得過癮之餘，又可增加玄學知識。最新一集，請來三位視后大熱挑選不同顏色的花朵，再由堪輿學家陳子才預測一下三位的得獎成數。
已是一屆視后的田蕊妮（阿田）挑選了粉紅色的鬱金香，陳子才指：「鬱金香其實最基本嘅解釋就係剛勁、端莊、秀麗、動人。其實你問我佢想唔想攞呢？佢絕對想攞，剛勁嘛！而端莊就可以顯示佢嘅態度，端莊係點？好斯文，好淡定咁企喺度。如果你頒畀我，我梗係要啦，但係我又唔會好刻意撲埋去搶喎！」
蚊蚊信心唔夠
而萬綺雯（蚊蚊）和阿田一樣挑選了鬱金香，但卻挑選了紫色而不是粉紅色，陳子才解釋：「態度一樣啦，不過個顏色好大分別。紫色係點嚟o架？紅色加藍色就變紫，紅色就緊係屬火啦，藍色係屬水嘅，即係其實變成一種陰陽。你問我佢信心，只係得一半。想唔想攞？想攞，但係信心唔係好夠！」
太陽花重名譽
至於胡定欣就挑選了黃色太陽花，陳子才說：「太陽花即係向日葵啦，即係跟住個太陽去邊佢就去邊。太陽亦都代表名譽地位，咁即係其實佢嘅心態係好想、好想攞啦，係咪先？但係亦都咁講，太陽亦都代表住光芒萬丈照耀大地，其實佢揀呢隻花，真係好好......」至於點好法？想繼續聽師傅點講？只要Click入《東網巨星》的「視娛樂」，睇《玄學星相》就啱晒Feel啦！
【http://goo.gl/owg7uZ】
文：專案組