張耀榮兒子開公司承衣鉢

有香港「演唱會之父」之稱的已故張耀榮，其長子張永康及太太余鳳儀的製作公司「耀榮娛樂控股有限公司」日前舉行開業典禮，出席者有張耀榮元配羅桂珠、張永康的弟弟張永新、太太及女兒等。余鳳儀接受《東網》獨家訪問時說：「公司投資咗幾多錢唔方便公開，呢啲係商業秘密，公司將會搞香港、內地嘅演唱會，頭炮係內地舉行四場演唱會先，呢個project係老爺生前傾落，由頭到尾都係我跟嘅，依家終於有批文可以做啦。」她又說歡迎跟任何娛樂製作公司合作，希望可承傳老爺嘅精神，就係「人人開心」。