譚詠麟宣布溫拿加兩場
經典樂隊溫拿的演唱會門票銷情熱烈，校長譚詠麟（阿倫）接受訪問時宣布溫拿演唱會將加開兩場，但他直言實情是還人情債，終歸得個「唉」字，又謂將嚴格篩選演唱會嘉賓，務求每個都是唱得之人！而阿倫昨日與關楚耀錄影無綫節目時，突然出手揸關楚耀胸，「受害者」竟笑言好舒服，認真搞笑！
樂隊溫拿將於明年農曆新年（2月6至10日）在紅館舉行《溫拿NEVER SAY GOODBYE演唱會2016》，主音之一譚詠麟（阿倫）在電話訪問中透露演唱會將加開兩場，但事實上卻得個「唉」字，他說：「唔係開心事嚟，因為係之前嘅人情債嚟。」又謂會嚴格篩選演唱會嘉賓：「要考驗過佢哋先，上得台嘅，就一定要有人認同佢係唱得到歌嘅。」
阿倫昨日到將軍澳電視城錄影無綫節目《歡樂滿東華2015》，與關楚耀唱歌籌款的他，見傳媒影相時大擺趣怪Pose，更出手揸關楚耀胸，又扮前列腺有事，遮住重要部位，非常搞笑。訪問時，談到揸關楚耀胸的感受，他立即笑謂：「有進步空間。」身為「受害者」關楚耀就指被揸得非常舒服。
80萬開金口
問為何錄影演出？阿倫坦言今日要到深圳出騷，明天則要飛北京工作，故需要預錄：「最近都有人50萬善款邀請我開金口，我就話要好意頭加碼到80萬。」談到郭富城公開認愛，阿倫即謂恭喜：「佢女朋友好靚女，啱晒年紀。」但笑關楚耀未是時候拍拖，要專心事業。
阿倫又自爆近日連開幾晚通宵拍新戲：「感覺好特別，尤其係開工之前去咗踢波！」關楚耀則大爆早前與阿倫到馬來西亞出騷時，一落飛機即走去踢波，精力旺盛。
文：影視組