藝人龔嘉欣昨日在電視城參加「十二月星辰」，與公司同事齊切蛋糕慶生。明天正日生日的她今晚會在家中開P，更邀請了「細佬」吳業坤，更笑言不怕緋聞再炒：「我同佢講話當幫佢唱片宣傳，因為都賣得幾好！我諗住買五百隻嘅，但佢叫我唔好嘥錢，我想幫佢推到白金o架嘛！」嘉欣又直認獲追求者送花，透露對方是半個圈中人，卻說：「拍拖好麻煩，唔好喇。」
