兩代天后容祖兒與陳寶珠昨日到海港城出席聖誕揭幕禮，祖兒透露聖誕前將豪請媽媽及親友到韓國旅行，即使在當地見到香港人也任影唔嬲，因為今次男友劉浩龍（師兄）不會同行。
提到郭富城近日高調晒愛，祖兒戥城城高興，問到與師兄會否十指緊扣駕車？祖兒笑說：「私下嘅嘢唔同大家分享，我會叫佢小心揸車，佢技術冇城城咁好。」提到好姊妹蔡卓妍（阿Sa）被影到在生日會酒後大罵「男人收皮」，祖兒稱：「幾真性情，幾可愛，好彩我冇去，我尖叫嘅分貝咁大，一定搶晒鏡。」至於即將69歲生日的陳寶珠透露將與一班親友及忠實粉絲慶生，可會想早日抱孫？她說：「隨緣，我都冇催啲後生。」
