G.E.M.下廚 慰失戀超蓮
何超蓮大前日於社交網站灑淚告別拍拖四年多的台灣歌手吳克羣，面對老友心碎失戀，G.E.M.昨晚超市買餸煮愛心餐慰藉。不過掛住買餸的G.E.M.忘掉時間，未請超蓮食飯先請她食閉門羹，讓超蓮於其家門外食風等足45分鐘有多。呆等的超蓮首度開腔談分手，直言「你哋可唔可以唔好出嗰個人（吳克羣）個名。」
何家三房千金何超蓮與台灣歌手吳克羣拍拖四年多，大前日突然於Instagram寫下分手感言，直言這是最後一次為對方流淚，更要提醒自己不能再這麼傻，謝謝對方讓她學會怎樣更愛自己。超蓮傷心失戀，身為老友的G.E.M.為安慰她，昨日親往買餸，準備煮愛心大餐！
「唔好出嗰個人個名」
傍晚7點15分，G.E.M.在女友人陪同下現身中環行超市，直認要煮飯慰藉剛失戀的何超蓮，被問買了甚麼，G.E.M.說：「海鮮同菜囉。」再問到如何安慰超蓮？她說：「整嘢畀佢食囉！哈哈哈！（有咩獨家料？）我唔會出賣我好朋友，（咁吳克羣係咪有第三者？）呢啲問番佢，但我就陪超蓮囉，（係咪整愛心餐？）係呀，愛心餐。」隨即登上七人車離開。
掛住買餸的G.E.M.烏龍地忘掉時間，其實超蓮早於6點45分，已經乘坐七人車抵達G.E.M.寓所門外，食風等足45分鐘有多，仍未放下舊情的她更一度向記者表示：「你哋可唔可以唔好出嗰個人（吳克羣）個名，都過咗去。」
首講分手：我Move On咗
至晚上7點35分，G.E.M.終趕回家，披散一頭長髮的超蓮，面容明顯較前瘦削，只見她主動下車行埋去G.E.M.座駕，並笑說：「你都好大整蠱啫！」G.E.M.邊笑邊執嘢，超蓮亦出手幫忙拿東西，及至問到另一好友李蘊會否到，G.E.M.說：「佢唔喺香港，但仲有其他人，你哋唔識囉。（會唔會介紹男仔畀超蓮？）佢唔使介紹，大把啦。」超蓮被問起吳克羣，她表示件事已過去，並說：「我Move On咗（向前看），你哋唔好再提，我展望美好的未來。」兩人接受完訪問即友善地離開。
文、攝：追蹤組