周柏豪懶理傳緋聞

林嘉欣、周柏豪前晚出席IWC手錶與金鐘太古廣場合辦的聖誕酒會,周柏豪對於有傳他擔演的無綫劇《愛情來的時候》,女主角由吳若希換上黃翠如以避緋聞,柏豪指未有聽聞:「由fitting到傾劇本到11月拍,翠如都係女主角。(驚唔驚同吳若希合作會傳緋聞?)唔會話驚,要傳同邊個都會傳。公司保護藝人係應該嘅,過程我唔知。」

林嘉欣表示稍後會帶小朋友來睇展覽,聖誕將至,她會買棵真聖誕樹回家與小朋友一齊布置作為親子活動。對於郭富城與上海o靚模方媛驚爆父女戀,嘉欣認為年齡相差廿三年不是問題,開心就得,緣分不能睇年齡。