泳兒鼻拮三針救聲
歌手張敬軒、泳兒（Vincy）、羅力威、陳伶俐與許靖韻等前晚現身《九龍樂善堂135周年晚宴暨樂善在商界頒獎典禮》，提到許志安日前參加內地歌唱節目演唱張學友舊廣東歌《怎麼捨得你》時被節目推薦人崔健狠批沒共鳴，軒仔即幫口說：「係咪節目安排咋？崔健係受業內尊敬嘅音樂人，佢可能唔係咁嘅意思。（同唱廣東話歌有關？）我未詳細睇條片，但估佢意思係想聽新嘅廣東歌作品，可能係佢口誤，相信佢嘅意思係難得上節目唱啲新歌，唔好太早落定論。」
爆拍檔疑撞鬼
而曾參與內地歌唱節目得總冠軍的Vincy力撐安仔是唱得之人：「揀歌唔會理舊唔舊，最重要係啱自己唱，唔同評判會有唔同睇法。我嗰陣參賽都驚畀評判話到喊，但我覺得佢哋係特登，因為會叫我感動啲同激動啲。」她又透露日前在內地工作時因溫差太大而生病，中醫在其鼻子上拮了三針，成功救聲，並自爆同行的化妝師疑撞鬼：「日頭佢幫我哋買早餐，之後喺升降機見到有個人影，一把長髮遮住個樣，但佢仲好大膽咁入升降機！」身旁信教的羅力威則笑言想見識一下，問到女友雨僑可會怕睇鬼片？他即扯開話題，場面搞笑。
陳伶俐賺百萬
與老公劉頌銘結伴現身的陳伶俐表示，現時忙於打理畫廊生意，生意比預計中理想，賺了七位數字！問到可會擴充業務？她說：「我哋10月1日先開舖，慢慢做啦！」問到有何獎勵太太？劉頌銘說：「日日都獎勵，冇話For啲咩事。」陳伶俐即笑說：「鍾意啲咩同佢講佢就會送，依家多個藉口囉！」並透露將到北海道過白色聖誕。
文：音樂組