如果話一個女人充滿魔性美，唔知大家嘅腦海中會出現乜嘢畫面呢？一時間諗唔到嘅話，只要望吓呢位內地辣模張栩菲就得。之所以話佢係魔性系美女，除咗因為佢有一雙媚眼同一張性感嘴唇，仲有一副魔鬼級身材，全身上下都散發住一種令人着魔嘅味道，讓男人難以自拔。
嚟自天津嘅21歲張栩菲，英文名ManGo，點解又大楷又細楷呢？原來包含咗兩個意思，一個解作杧果，另一個則解做「男士去吧」，果真相當有創意。至於佢個網名仲得意，叫做小卷卷老師，至於點解自稱老師，阿妹則未有解釋。另外，栩菲有網絡紅人、性感女神以及寫真女神嘅稱號，只要睇吓佢由出道以嚟推出過嘅寫真集就會一清二楚。阿妹擁有前凸後趷魔鬼級身材，加上標致嘅五官，種種因素將佢煉成一位令男士着魔嘅性感索女，最重要嘅係佢喺寫真中，經常以超性感造型示人，大Deep V加透視？冇問題！嚟個雙峰側漏咩？更加係輕而易舉，甚至同場加映出浴兼虛掩兩點噴血場面，男士們又點會唔睇到慾火上升！如此大膽嘅演出，令栩菲好快喺寫真界闖出名堂，其出眾嘅身材更被多個品牌睇中，搵佢拍攝平面廣告。此外，佢亦以車模身份喺多個車展中亮相，以及喺網絡媒體以火辣性感造型示人，憑住近乎完美嘅天賦條件，試問大家又點會唔被栩菲嘅魔性美所迷倒呢？
今時今日嘅內地女模，發展唔再局限喺平面及網絡媒體中，有啲會進軍演藝界，亦有囡囡選擇當夜店DJ，而栩菲則專心喺網絡代言工作上。其實佢出道冇耐，就已經參與多個網絡商品嘅代言活動，其後喺網購平台上從事商業代言，同時又喺微博中為商業活動進行推廣，而近期更為手機醫療App進行網上營運工作。可能有人會懷疑模特兒從事商業推廣，會唔會冇乜效果呢？其實呢種擔心係多餘嘅，因為做唔做得嚟同做唔做得好，最重要係睇佢本身有冇恒心同夠唔夠認真，而栩菲為咗呢啲工作確實花費相當大嘅心血，亦相當緊張，好似佢早前喺微博中表示「今天（醫療App網絡營運女郎）面試！願面試通過！」可見佢確實相當着緊。另外，又有人擔心佢會否因為商業活動，而減少推出寫真呢？呢層大家唔使擔心，栩菲表示縱然工作忙碌，仍然會繼續拍攝寫真，所以大家可以放心。希望栩菲嘅未來發展會愈嚟愈好，拍多啲性感寫真畀大家睇啦！
簡介： 張栩菲嘅外形真係要幾魔性有幾魔性，但話雖如此，佢嘅性格卻係相當可愛，兼且鍾意同粉絲撒嬌，而從呢點嚟睇，佢似小魔女多過似大魔頭。如果想知佢嘅性格有幾討人歡心，不妨去佢嘅微博，用自己對眼睛嚟證實一下。
網址：weibo.com/521xufei
出生地：天津
身高：168cm
三圍：36、25、36
撰文：魂