陳展鵬 鍾嘉欣東網民選最多Like

好睇又好玩的《東網巨星》App由前日起至本月11日下午，舉辦《東網民選TV King & Queen》投票，讓市民透過《東網巨星》Facebook專頁在今屆無綫《萬千星輝頒獎典禮2015》的「最佳男、女主角」40位候選人中，選出自己最心愛的視帝視后。短短一日時間反應已相當熱烈，大批粉絲畀Like支持偶像。大家若不想偶像落敗，記得登入《東網巨星》Facebook專頁投票喇！

張繼聰暫時排第二

截至昨晚八時，馬國及新加坡雙料視帝陳展鵬憑《張保仔》角色十一貝勒遙遙領先，得943票及3,805瀏覽量，拋離第二名憑《收規華》金華一角得413票及9,580瀏覽量的張繼聰，另一大熱人選黃秋生憑《梟雄》的喬傲天一角暫以182票及970瀏覽量排第三，黎耀祥、歐陽震華則緊隨其後。

第2位 張繼聰 413票 9,580瀏覽	第3位 黃秋生 182票 970瀏覽	首日票后 鍾嘉欣 338票 2,407瀏覽

暫列第一的展鵬表示心情雀躍：「呢個係真正嘅全民投票，好開心！上網多數係年輕人，同真正睇劇觀眾未必一樣。之前喺《東網》見過好多留言支持自己，我都想大家畀多啲善意批評，令我有更大進步。」展鵬更在其個人Facebook帳戶分享投票專頁，吸引更多粉絲支持。而張繼聰老婆謝安琪加入拉票行動，她在Facebook甜爆留言說：「請Click入去投票支持張繼Lu，其實咁公開講是有害羞的。」

第2位 胡定欣 276票 1,028瀏覽

第3位 陳煒 242票 1,048瀏覽

視后方面峰迴路轉，暫時跑出是憑《華麗轉身》角色司徒迪迪的鍾嘉欣，得338票及2,407瀏覽量，險勝排第二名得276票及1,028瀏覽量《鬼同你OT》的「姜蓉」胡定欣，至於《梟雄》「桂生姐」陳煒憑劇集剛大結局入第三位，得242票及1,048瀏覽量，其後是田蕊妮及汪明荃。

胡定欣籲繼續投票

暫列榜首感的鍾嘉欣說：「咁多影迷支持我，好開心呀！我會繼續努力。但係我都係睇好阿姐（汪明荃）。」至於胡定欣雖暫列第二名，仍呼籲大家繼續投票：「投邊個都好，有人支持我已經好開心。當然最好投我同阿田啦！（落力拉票？）朋友會自動投o架啦！」

文：影視組