唐詩詠驚訝：參考吓點做

藝人唐詩詠、江美儀、黃長興、麥明詩、陳庭欣、陳百祥和王君馨等昨日在將軍澳出席《萬千星輝賀台慶》祝捷會，慶祝台慶收視平均30點，是今年至今最高收視的節目。

提到前晚在新劇《實習天使》中，洪永城為岑麗香急救要除去她的內褲及取去棉條，問唐詩詠可有收看？她聞言一臉驚訝笑說：「吓，係咩？我冇睇，TVB要靠呢樣嘢攞收視。（男友有冇幫你買女性用品？）好怕男仔買呢啲，自己唔會要求，男仔更加唔會主動咁做。女仔可以照顧自己，除非好突發痛到落唔到街買，何況要攞出嚟。（會唔會睇番劇集？）咁激，都會睇吓，都想參考吓點做。（洪永城有冇請教你？）冇，可能佢有經驗呢，哈哈。」

陳煒講不和得啖笑

同場的江美儀被問到有指於亞視年代，陳煒因萬綺雯以為她是臨時演員而嬲了對方十多年，江美儀聞言說：「吓？冇聽過喎，蚊蚊（萬綺雯）唔會嘅，係咪誤會，見佢哋又冇乜嘢，亞視關係幾好，大家好似一家人咁。（萬綺雯話陳煒唔屬於佢嘅朋友圈？）咁朋友有好多種，唔係朋友，會唔會係同事呢。（拉攏佢哋和好？）首先我唔信呢件事，所以唔需要咁做。」

陳百祥和陳庭欣對《萬千星輝賀台慶》得到高收視，感到興奮。	洪永城在新劇《實習天使》中，為岑麗香急救時要脫去其內褲。	洪永城（左）與 岑麗香

陳煒接受電話訪問否認與萬綺雯不和，她說：「『似臨記』呢句嘢咁多年嚟聽都冇聽過。（加簽無綫想反擊做一姐？）點會為一個人左右到我嘅計劃呢？自己鍾意演戲，先會諗同TVB簽約，同其他人無關，有人編啲咁嘅古仔，都係得啖笑囉！」

黃長興則提到太太懷第二胎，BB現時三個半月，他說：「好開心，三年抱兩係計劃之內，但太太有少少唔開心，因為timing唔好，擔心日後報學校會困難。我當然想再生，但如果係仔就收工，唔係就要繼續，老婆第二胎好辛苦晚晚嘔，懷疑今次係仔。」

文：影視組