女友「泰」忙 林峯Lonely過生日

歌手林峯昨晚到銅鑼灣出席《Heart Attack》快閃MV首播活動，吸引數十歌迷撐場。林峯待MV播畢後才出場，旋即被歌迷與途人包圍，引起小混亂。他表示能夠出席這類活動感開心：「成件事自己都有份策劃，兩年幾冇出新歌，所以想特別少少，形式貼緊大眾！大家都好守秩序，依家都唔太混亂。」提到本月8日生日，林峯指當日應該要開工，未知會否在港，至於可會跟女友吳千語旅行慶祝？他透露視乎時間而定：「佢依家都喺泰國拍戲。（你飛去搵佢慶祝？）咁又唔使嘅，我都有工作在身。（佢飛過嚟搵你？）等佢做完嘢先。」